Tovuz şəhər stadionunda Azərbaycan Kuboku çərçivəsində keçirilən “Kəpəz” - “Baku Sportinq” (2-0) matçından sonra təşkil edilən mətbuat konfransında bakılıların baş məşqçisi Elman Sultanov jurnalistlərin suallarını cavablandırıb.
- 90 dəqiqə ərzində qapınızdan qol buraxmadız. Sizcə bu sensasiyadır?
- Düşünürəm ki, meydanda əlimizdən gələni etdik. Ona görə əsas vaxtda nəticə qənaətbəxş oldu. Mən komandamın bütün üzvlərinə öz təşəkkürümü bildirirəm. Onlar meydanda döyüşdülər.
- İkinci Liqada lidersiz, tezliklə fasilə olacaq, heyəti gücləndirməyi düşünürsüz?
- Bizim əsas məqsədimiz Birinci Diviziona çıxmaqdır. Bu işin öhdəsindən gəlmək üçün heyəti gücləndirməyə ehtiyac var. Bəzi futbolçularla danışıqlar aparırıq, yekunlaşmadan ad açıqlaya bilmərəm.
- Ümumiyyətlə komandanızın hədəfi nədir?
- Əsas hədəf Birinci Diviziona vəsiqə qazanmaqdı. Ondan sonra rəhbərliyin də istəyi olarsa, Premyer Liqaya qalxmaq üçün planlar qurmaq olar.

Oxşar xəbərlər

"Meydana məğlub olmaq üçün çıxmırıq" - “Baku Sportinq”in baş məşqçisi

Musayev qələbə qazanmaqdan danışır, amma vaxt demir

Robert Prosineçki:"Sabahkı oyuna 100 faiz sağlam futbolçular çıxacaq"

"Slovan"ın baş məşqçisi: "Bu, bizim üçün ən çətin oyun idi"

Darko Milaniç: "Roman Qriqorçukun fikri mənə maraqlı deyil"