“Red Bull” komandasının niderlandlı pilotu Maks Ferstappen “Formula 1” üzrə dünya çempionatında yeni rekorda imza atıb.
Sportfm.az xəbər verir ki, o, bir mövsümdə ən çox qələbə qazanan sürücü kimi tarixə düşüb.

Braziliya Qran-prisinin qalibi olan Ferstappen mövsüm ərzində baş tutan 21 mərhələnin 17-də finişə birinci çatıb.

Üçqat dünya çempionu karyerası ərzində isə 52-ci dəfə Qran-prinin qalibi olub. Bu göstəriciyə görə Alen Prostu qabaqlayan 26 yaşlı idmançı dördüncü pilləyə yüksəlib.

Ən çox qələbə qazanan ilk üç sürücü Lyuis Hemilton (103), Mixael Şumaxer (91) və Sebastyan Fetteldir (53).

Oxşar xəbərlər

İspaniya Qran-prisinin qalibi Ferstappen oldu - "Formula 1"

Ferstappen Kanada Qran-Prisinin qalibi oldu - Formula 1

Mövsümün ilk Qran-prisinin qalibi müəyyənləşib - Formula-1

Rusiya Qran-prisinin qalibi məlum oldu

Hemilton Formula-1 İspaniya Qran-Prisində qalib oldu