Qadın voleybolçulardan ibarət “Azərreyl” klubu yeni mövsüm üçün heyətini gücləndirməyə davam edir.
Sportfm.az xəbər verir ki, ölkəmizi Çağırış kubokunda təmsil edəcək komanda baş məşqçi Cengiz Akarçeşmenin ardınca 5 oyunçu ilə danışıqları müsbət yekunlaşdırıb.
Ötən mövsüm komandanın Azərbaycan çempionu olmasında pay sahibi olan blokçu Aynur İmanova, toppaylayıcı Raziyə Əliyeva, libero Asiyat Abuyeva və hücumçu Xanım Cəlilova ilə müqavilə yenilənib. Razılığa əsasən, onlar daha bir il “Azerrail”in uğurları üçün çalışacaqlar.
Bu voleybolçularla yanaşı, Aişə Alismanova da yeni mövsümdən “Azerrail”in formasını geyinəcək. Gənclər komandamızdan cəlb olunan 15 yaşlı hücumçu ilə rəsmi müqavilə imzalanıb.

Oxşar xəbərlər

"Şamaxı"da yeni müqavilə - TRANSFER

Azərbaycan klubu xorvatiyalı voleybolçu ilə müqavilə imzaladı

“Azərreyl”də yeni müqavilələr - 5 voleybolçu ilə

Türkiyə millisinin sabiq məşqçisi Azərbaycan klubunda - 1 illik müqavilə

“Azərreyl”in avrokubok üçün heyəti açıqlandı - SİYAHI