“Neftçi” yeni mövsümə hazırlığın ilk mərhələsini başa vurub. Komanda təlim-məşq toplanışının ikinci mərhələsi üçün bu gecə saat 12-də çarter reysi ilə Rusiyanın Sankt-Peterburq şəhərinə yola düşəcək.

Sportfm.az xəbər verir ki, “Ağ-qaralar” səfərə məşqçilər – Vadar Nuriyev, İqor Getman və qapıçılar üzrə məşqçi Yusif Hüseynovun rəhbərliyi altında 23 futbolçu ilə gedəcək:

Qapıçılar: İvan Brkiç, Aqil Məmmədov, Rza Cəfərov.

Müdafiəçilər: Höccət Haqverdi, Solomon Kverkveliya, Azər Əliyev, Azər Salahlı, Ömər Buludov, Elton Əlibəyli, Samir Həsənov, Rüfət Abbasov, Hüseyn Babayev.

Yarımmüdafiəçilər: Kenni Sayef, Eddi İsrafilov, Rəhman Hacıyev, İsmayıl Zülfüqarlı, Kilan Lebon, Ataa Caber, Fərid Yusifli, Ömər Qurbanov.

Hücumçular: Mateus Saldanya, Yeqor Boqomolski, Ağadadaş Salyanski.

Flaqman iyulun 1-dən 15-dək Sankt-Peterburqda təşkil olunacaq ənənəvi “Matç TV” turnirində iştirak edəcək. “Neftçi” turnir çərçivəsində iyulun 1-i Bakı vaxtı ilə saat 20:30-da Rusiyanın “Zenit”, 8-i saat 20:30 Serbiyanın “Srvena Zvezda”, 15-i saat 15:00-da isə Türkiyənin “Fənərbaxça” klubu ilə qarşılaşacaq. “Zenit”lə oyun “Qazprom Arena”da, digər iki görüşümüz isə “Smena” stadionunda olacaq. Turnir başa çatandan sonra “Neftçi” Rusiyanın paytaxtına yollanaraq Moskva “Spartak”ı ilə yoldaşlıq oyunu keçirəcək. Bu matç iyulun 18-də “Otkrıtiye Bank Arena”da baş tutacaq. Komandamız iyulun 19-da Bakıya qayıdacaq və hazırlığını paytaxtda davam etdirəcək.

Qeyd edək ki, yeni mövsümdə Azərbaycanı UEFA Konfrans Liqasında təmsil edəcək “Neftçi” qitəmiqyaslı yarışın II təsnifat mərhələsində “Jelezniçar” (Bosniya və Herseqovina) – “Dinamo” (Minsk, Belarus) cütünün qalibi ilə qarşılaşacaq. İlk oyun iyulun 27-də səfərdə, cavab matçı isə avqustun 3-də “Bakcell Arena”da keçiriləcək.

Oxşar xəbərlər

"Neftçi" iştirak ərizəsini UEFA-ya təqdim etdi - Konfrans Liqası

“Neftçi”nin yeni mövsümə hazırlıq planı bilindi

“Neftçi” - “Sabah” - Start heyətlər

“Neftçi” iştirak ərizəsini UEFA-ya təqdim etdi - Konfrans Liqası

"Neftçi" iştirak ərizəsini UEFA-ya göndərdi - SİYAHI