Tunisin paytaxtı Tunis şəhərində ağır atletika üzrə 33-cü Afrika çempionatına start verilib.

Sportfm.az xəbər verir ki, bu yarışda Azərbaycan yığma komandasının üzvləri də iştirak edirlər. 

Bu gün onlardan ilk olaraq Nazilə İsmayılova körpücük üzərinə çıxıb. O, 45 kq çəki dərəcəsində mübarizə aparıb. Atletimiz uğurlu çıxışla yadda qalıb. Nazilə birdən qaldırma hərəkətində 60, təkanla qaldırma hərəkətində 72 kq çəkini ram edib, toplam 132 kq (60+72) nəticə göstərib. 

Bu nəticə ilə o, bu çəki dərəcəsində həm birdən, həm təkanla qaldırma hərəkətləri, həm də toplamda qalib olub.

Xatırladaq ki, Azərbaycan yığmasının başqa qitənin çempionatında çıxışına səbəb bu ilin aprelində İrəvanda keçirilən Avropa çempionatında məlum səbəblərdən iştirak edə bilməməsidir. Tunisdə təşkil olunan yarış da Paris 2024 Olimpiya Oyunlarına lisenziya xarakteri daşıyır və Beynəlxalq Ağır Atletika Federasiyası tərəfindən Azərbaycan komandasına alternativ imkan kimi bu turnirdə qüvvəsini sınamaq təklif olunub.

Oxşar xəbərlər

Daha bir atletimiz Afrika çempionatında qalib oldu

Rəhilə Ankaradan medalla dönür - UĞUR

Atletimiz Avropa üçüncüsü oldu

Azərbaycanlı Milanda Avropa çempionu oldu

Toplamda 346 kq-ı ram edib bürünc medal qazandı