Sportfm.az xəbər verir ki, İsveçrənin Nyon şəhərində keçirilən püşkatmadan sonra yarımfinalda qarşılaşacaq cütlüklər məlum olub.

Püşkün nəticəsinə əsasən, Avroliqanın yarımfinalında "Mançester Yunayted” "Selta” ilə, "Ayaks” isə "Lion”la mübarizə aparacaq.

Avropa Liqasında yarımfinalın ilk görüşləri mayın 4-də, cavab matçları isə bir həftə sonra oynanılacaq. Turnirin final oyunu mayın 24-də İsveçin paytaxtı Stokholmda, "Friends Arena in Solna”da keçiriləcək. Finalda nominal meydan sahibi "Ayaks" - "Lion" cütünün qalibi olacaq.

Avropa Liqası, yarımfinal

Ayaks (Hollandiya) - Lion (Fransa)

Selta (İspaniya) - Mançester Yunayted (İngiltərə)