Azərbaycanda sintetik örtüklü meydançalar salınmağa başlayandan, təbii qazonla olan stadionlar məhv edilməkdə davam edir. 

Bir zamanlar Bakıda məşhur stadionlardan biri olan "Məhsul"da artıq yox olmaq üzrədir.

Yasamalda yerləşən bu arena 5-6 il öncəsinə qədər az da olsa, yararlı vəziyyətdə idi. Hətta həmin dönəmdə "Məhsul"un təmir ediləcəyi, daha müasir tipli stadiona çevriləcəyi deyilirdi. Amma və lakin...Ölkəmizdə idman infrastrukturunun məhv edilməsi yönündə atılan "qətiyyətli" addımlar burada gəlib çıxıb. 

Ətraf binalarda yaşayan əhalinin yürüş yeri olan, uşaqların top qovduğu bu meydança baxımsızlıqdan artıq xarabalığa çevrilib. Hazırda bura zəlzələ olan yerə bənzəyir. 

Xeyli sayda insanın, yaşlı nəsli nümayəndələrinin sağlamlığını qorumaq gəlib-getdiyi daha bir stadion Bakının xəritəsindən silinməyə yaxındı. Gəlin bu məsələni ictimailəşdirək, "Məhsul" yox olmasın!