"Başakşehir"in futbolçusu Məsut Özil Türkiyədə baş verən zəlzələdən zərər çəkənlərə yardım daşınmasında iştirak edib.

Sportfm.az xəbər verir ki, o, bununla bağlı İnstaqram hesabında paylaşım edib. Almaniya millisinin türk əsilli sabiq üzvü paylaşımında "Çətin zamanlarda hər şeyi birlikdə bacara bilərik" yazıb. O, Türkiyənin və zələzələ baş verən digər ölkə - Suriyanın bayrağını da paylaşıb. 

Qeyd edək ki, son məlumata görə, fevralın 6-da qardaş ölkədə baş vermiş güclü zəlzələ nəticəsində 8 min 574 insan həlak olub.