Futbol üzrə milli komandamızın yoldaşlıq oyunu keçirəcəyi rəqiblərdən biri bəlli olub.

Sportfm.az xəbər verir ki, Canni De Byazinin rəhbərlik etdiyi kollektiv İordaniya seçməsi ilə qarşılaşacaq. Bu barədə İordaniya Futbol Federasiyasının rəsmi saytı məlumat yayıb.

Qarşılaşma 12 sentyabr tarixində Bakıda baş tutacaq.

Qeyd edək ki, millimiz Avro-2024-ün seçmə mərhələsində İsveç, Avstriya, Belçika və Estoniya ilə mübarizə aparacaq. Yığmamız ilk oyununu bu il martın 24-də səfərdə Avstriyaya qarşı keçirəcək.