İngiltərənin “Vulverhempton” klubu yarımmüdafiəçisi Qonsalo Qedesi icarəyə göndərib.

Sportfm.az xəbər verir ki, Portuqaliya millisinin də üzvü olan 26 yaşlı vinger yetirməsi olduğu “Benfika”ya qayıdıb.

Yarımmüdafiəçi bu mövsümün sonuna kimi icarədə oynayacaq. O, 2014-2017-ci illər aralığında “Benfika”nın əsas komandasında meydana çıxdığı 68 oyunda 11 qol vurub.

Qedes 2022-ci ilin avqustunda 32.6 milyon avro qarşılığında “Valensiya”dan “Vulverhempton”a keçmişdi. O, Premyer Liqa təmsilçisində 18 oyun keçirib, 2 qol vurub. Qedes Fransada PSJ-nin də formasını geyinib. O, Portuqaliya yığmasında 32 oyuna çıxıb, 7 qola imza atıb.

Oxşar xəbərlər

Premyer Liqa klubunda 18 milyonluq oyunçu - TRANSFER

Amin üçün 11 milyon avro - TRANSFER

Adlı-sanlı klub diviziondan oyunçu aldı

Məhəmmədin yerinə Haris - Keçid

“Qalatasaray”ın sabiq oyunçusu “Beşiktaş”da - RƏSMİ