Türkiyədə təlim-məşq toplanışında olan “Qəbələ” ikinci yoxlama oyununu keçirib.

Sportfm.az xəbər verir ki, “qırmızı-qaralar” Almaniyanın “Lukenvalde” klubu ilə qarşılaşıb.

İki gün əvvəl Rumıniyanın “Sepsi” klubu görüşən (2:2) komandanın baş məşqçisi Elmar Baxşıyev bu dəfə start heyətində bir neçə gənc futbolçuya da şans verib.

“Qəbələ” matçı aşağıdakı “11-lik”lə başlayıb: Kristof Atanqana, Ruan Renato, Hüseyn Mürsəlov, Feras Abu Akal, Asif Məmmədov, Ramon Maçado, Gülağa Əsədov, Omar Hani, Felipe Santos, Andrey Strijak, Nicat Əliyev.

Qarşılıqlı hücumlarla keçən görüşdə hesabı Almaniya təmsilçisi açıb. Buraxılan qoldan sonra fəallığı artıran “qırmızı-qaralar” Gülağa Əsədovun fərqlənməsi ilə hesabı bərabərləşdirib. Fasiləyə bu hesabla yollanan komandaların heyətində dəyişiklər də olub. İkinci yarıda daha üstün oynayan “Qəbələ” Ramon Maçado və Felipe Santosun qolları ilə iki top önə keçib. Almaniya təmsilçisi bu qollardan birinin əvəzini çıxa bilib. Beləliklə, “qırmızı-qaralar” Antalya toplanışında ilk əzmkar qələbəsini qazanıb – 3:2.

Xatırladaq ki, “Qəbələ” toplanışda son matçını yanvarın 16-da Çexiya “Teplitse”sinə qarşı keçirəcək.

Yoxlama oyunu
13 yanvar

Qəbələ – Lukenvalde (Almaniya) 3:2
Qol: Gülağa Əsədov, 30. Ramon Maçado, 57. Felipe Santos, 70.

Oxşar xəbərlər

“Qəbələ”nin oyunçusu üçün ikiqat əlamətdar oyun - Misli Premyer Liqası

"Qəbələ" Türkiyədə bərabərliklə başladı

Daha bir klubumuz Türkiyəyə yollandı

"Qəbələ" - "Araz Naxçıvan" - START HEYƏTLƏR

"Qəbələ" Almaniya klubu ilə üç hissəli oyun keçirəcək