Fransa millisinin futbolçusu Kilian Mbappe Qətərdəki dünya çempionatının 1/4 final mərhələsi çərçivəsində İngiltərəyə qarşı keçirəcəkləri oyunu buraxa bilər.

Sportfm.az xəbər verir ki, topuğundakı ağrılardan əziyyət çəkən 24 yaşlı hücumçu komandasının bu gün baş tutan məşqində iştirak etməyib.

PSJ-nin formasını geyinən forvard idman zalında bərpa prosesi keçir. Onun vacib qarşılaşmada meydana çıxıb çıxmayacağı sual altındadır.

Dekabrın 10-da keçiriləcək İngiltərə – Fransa matçına Bakı vaxtı ilə saat 23:00-da start veriləcək. Mbappe bu mundialda vurduğu 5 qolla hələlik ən məhsuldar futbolçudur.

Oxşar xəbərlər

Mbappe PSJ-dən ayrılır - Müqaviləni yeniləməyəcək

Mbappe yeni rekorda imza atdı

Jiru rekorda doğru...

Mbappe 300-cü oyununu keçirdi - DÇ-2022

DÇ-2018: Pelenin rekordu təkrarlandı