Bu gün kişi voleybolçulardan ibarət Azərbaycan milli komandası Avropa çempionatının təsnifat mərhələsində mübarizəyə başlayıb.

Sportfm.az xəbər verir ki, millimiz ilk matçda Danimarka yığması ilə qarşılaşıb.

Bakıda Voleybol Mərkəzində təşkil olunan görüş qonaqların 25:22 hesablı qələbəsi ilə başlayıb. İkinci setdə 25:23 hesabı ilə millimiz qalib gəlsə də, rəqib növbəti hissələrin və matçın qalibi olub – 3:1.

Pərviz Səmədovun komandası növbəti matçında Türkiyə millisi ilə qarşılaşacaq. Görüş avqustun 6-da saat 18:00-da Bakıda Voleybol Mərkəzində keçiriləcək.

Təsnifat oyunlarında 26 komanda 7 qrupa bölünüb. Oyunlar ev-səfər sistemi ilə keçirilir. Qrupun ən güclüləri və 5 ən yaxşı ikinci yerin sahibi final mərhələsində iştirak hüququ qazanacaq.

AÇ-2023-ün təsnifat mərhələsi
A qrupu
3 avqust

Azərbaycan – Danimarka 1:3 (22:25, 25:23 16:25, 16:25)
Bakı. Voleybol Mərkəz

Oxşar xəbərlər

Yığmamız ilk məğlubiyyətini aldı - AÇ-2023

Millimiz Avstriya ilə qarşılaşacaq - Avropa çempionatı

Millimiz Türkiyə yığmasına uduzdu - Avropa çempionatı

Millimiz Bakıda hazırlaşır - Avropa çempionatı

Voleybol millilərimizin rəqibləri bəlli oldu - AVRO-2023