Mayın 15-də Heydər Əliyev Fondunun təşəbbüsü ilə “Bakı Marafonu - 2022” keçirilib.

Sportfm.az xəbər verir ki, “Bakı Marafonu - 2022”nin tərəfdaşlarından biri də “Azərlotereya” ASC idi. Sağlam həyat tərzinin təbliğinə və idmanın populyarlaşdırılmasına önəm verən şirkət korporativ sosial məsuliyyət fəaliyyəti çərçivəsində yarışda iştirak edərək layihəyə dəstək olub.

Marafonda 15 minədək iştirakçı yarışıb. Yarışın əyləncə zonasında iştirakçılar “Azərlotereya” stendinə yaxınlaşaraq şirkətin məhsulları ilə tanış olmaq və şanslarını yoxlamaq fürsəti əldə ediblər. 

Qeyd edək ki, “Azərlotereya” ASC “Uğurlu 7” ani lotereyasının bazara buxarılması ilə əlaqədar olaraq “Bakı Marafonu - 2022”də 7-ci, 77-ci və 777-ci yer tutmuş qalibləri mükafatlandıracaq.

Sağlam həyat tərzini təbliğ etmək və idmanın inkişafına dəstək göstərmək məqsədilə keçirilən Bakı marafonu 2016-cı ildən bəri təşkil olunur. “Küləyə qalib gəl” şüarı altında keçirilən yarışın başlanğıc və finiş nöqtəsi Dövlət Bayrağı Meydanında oldu və 21 kilometrlik məsafəni əhatə etdi. Burada Azərbaycan vətəndaşları ilə yanaşı, ölkəmizdə yaşayıb çalışan əcnəbilər, bir sıra digər ölkələrdən iştirakçılar, tələbələr, eləcə də daun sindromlu və fiziki məhdudiyyətli şəxslər iştirak edib. 

Oxşar xəbərlər

“Bakı Marafonu-2023”də “Azərlotereya” tərəfdaş oldu

"Bakı Marafonu 2023"ün qalibləri məlum oldu

“Bakı Marafonu 2022” başa çatdı - Qaliblər mükafatlandırıldı

“Bakı Marafonu 2018”in qalibi müəyyənləşdi

“Bakı Marafonu-2018”də qeydiyyat mayın 12-dək uzadıldı