Boks üzrə Azərbaycan milli komandası Ermənistanın paytaxtı İrəvanda təşkil olunacaq Avropa çempionatına qatılmayacaq.

Sportfm.az xəbər verir ki, bu barədə qərar qurumun İdarə Heyətinin iclasında qəbul olunub.

Müzakirələr nəticəsində Beynəlxalq Boks Assosiasiyasında mayda keçiriləcək seçkilər, idmançıların dünya çempionatı üçün təlim-məşq toplanışları və hazırlıq proqramları, habelə digər həssas məqamlar nəzərə alınaraq mayın 21-də start götürəcək Avropa çempionatında iştirak etməməyə qərar verilib. Yarışa mayın 31-də yekun vurulacaq.

Qeyd edək ki, Azərbaycan boksçuları cari ilin mart və aprel aylarında mübarizə apardıqları son 2 Avropa birinciliyində medallar qazanıb. Onlar U-22-lərin qitə çempionatında 1 qızıl, 1 gümüş və 2 bürünc medal qazanmaqla ölkənin boks tarixinin 10 il əvvəlki rekordunu təkrarlayıblar. Gənc boksçular arasında Avropa birinciliyində isə komanda 3 illik fasilədən sonra çempionluq əldə edib. Yığma yarışı 1 qızıl və 1 bürünc medalla bitirib.

Oxşar xəbərlər

Azərbaycan boksçularının 2022-ci ildə qazandıqları medalların sayı - 77

6 aya 37medal - Azərbaycan boksçularının uğurları

Nazir Avropa çempionatından qayıdan boksçularla görüşdü - FOTO

Azərbaycanın boks yığması özünün tarixi rekordunu təkrarlayıb

Avropa çempionatında 4 medal