İdman Arbitraj Məhkəməsi (CAS) UEFA-nın İspaniyanın "Atletiko" (Madrid) komandasının ev oyunlarını keçirdiyi "Vanda Metropolitano" stadionunun tribunalarının qismən bağlanması ilə bağlı qərarını müvəqqəti ləğv edib.

Sportfm.az xəbər verir ki, Madrid təmsilçisinin evdə İngiltərənin "Mançester Siti" kollektivinə qarşı keçirəcəyi Çempionlar Liqasının 1/4 final mərhələsinin cavab oyununda azarkeş sayına məhdudiyyət qoyulmayacaq.

Bileti və mövsümlük abunəçiliyi olan bütün tərəfdarlar arenaya daxil ola biləcəklər.

Qeyd edək ki, UEFA Mançesterdəki ilk qarşılaşma zamanı iki komandanın azarkeşləri arasında baş vermiş insident səbəbindən "Atletiko"ya sanksiya tətbiq edib. Həmin görüşdə "şəhərlilər" 1:0 hesablı qələbə qazanıb. Cavab oyunu bu gün baş tutacaq.

Oxşar xəbərlər

"Çelsi" "Real Madrid"ə qarşı - Çempionlar Liqası

UEFA-dan ispan klubları ilə bağlı açıqlama - Koronavirus avrokubokdakı çıxışlarına mane olmayacaq

"Mançester Siti" ilə bağlı mühüm qərar - Şikayəti təmin edildi

UEFA "Liverpul"a qarşı iş açdı: İlk görüşdəki nəticə ləğv ediləcəkmi?

"Atletiko" Almaniyada qələbə qazandı - VİDEO