"Qarabağ" haqqında çəkilən sənədli filmdə klubun indiyədək üzləşdiyi problemlər əksini tapacaq. 

Sportfm.az xəbər verir ki, bu barədə mədəniyyət naziri Anar Kərimov məlumat verib. Onun sözlərinə görə, filmdə klubun tarixindən bəhs ediləcək: "Bildiyiniz kimi, "Qarabağ" 30 ilədək "qaçqın komanda" olub, doğma Ağdam şəhərində azarkeşləri qarşısında oynaya bilməyib. "Qarabağ" adı daşıdığı üçün kluba qarşı ədalətsizliklər baş verib. Buna görə də filmdə bütün ədalətsizliklər, o cümlədən, hakim haqsızlıqları, bir sözlə, hər şey göstəriləcək". 

A.Kərimov ekran əsərində klubun nailiyyətlərinin də əksini tapacağını vurğulayıb: "Bu komanda Azərbaycanı, Qarabağımızı tanıdır, bayrağımızı hər zaman uca tutur, bizi qürurlu edir. Filmdə "Qarabağ" klubunun 30 il ərzindəki şərəfli missiyasına yer veriləcək". 

Qeyd edək ki, "Qarabağ" haqqında sənədli film 2022-ci ildə ərsəyə gətiriləcək (report.az).

Oxşar xəbərlər

"Qarabağ FK-30 mövsüm səfərdə" sənədli filminin təqdimatı keçirildi

“Qarabağ”la bağlı sənədli film hazırlanacaq

"Real"ın futbolçusu haqqında sənədli film çəkildi

Ağır xəstəliyə tutulan futbolçu haqqında film çəkildi - VİDEO

Çempion və bombardir haqqında film çəkiləcək