Milli komandamızın və Ukraynanın “Minay” klubunun üzvü Rüstəm Əhmədzadə “Qarabağ”da çıxış edəcək.

Sportfm.az xəbər verir ki, bu barədə Ağdam klubunun mətbuat xidmətinin rəhbəri Gündüz Abbaszadə məlumat verib.

Onun sözlərinə görə, 21 yaşlı hücumçu yaxın günlərdə müqavilə imzalamaq üçün Bakıya gələcək: "Rüstəm Əhmədzadə yaxın günlərdə Bakıya gələcək. Tibbi müayinədən uğurla keçəcəyi halda onunla müqavilə bağlanacaq və artıq mövsümün ikinci hissəsindən "Qarabağ"ın oyunçusu olacaq. Müqavilənin detalları ilə bağlı məlumat isə rəsmi sözləşmə imzalandıqdan sonra veriləcək".

Qeyd edək ki, Rüstəm Əhmədzadə bu ilin yayında milliləşdirilərək Azərbaycan yığmasına çağırılıb. O, millimizin heyətində 5 matçda iştirak edib.

Oxşar xəbərlər

“Qarabağ” hücumçusu “Zirə”də - İCARƏ

UEFA "Qarabağ"ın oyunçusunu paylaşdı - FOTO

Əhmədzadənin transferi üçün ödənilən məbləğ - 200 000 avro

Ukrayna klubunun oyunçusu millimizdə - İlk dəfə

"Yeni transfer yaxın günlərdə Bakıya gələcək" - “Zirə” rəsmisi