Gənclər və idman naziri Fərid Qayıbov Azərbaycan Velosiped İdmanı Federasiyasının fəaliyyəti ilə tanış olub.

Sportfm.az xəbər verir ki, F.Qayıbov velosiped idmanı üzrə yığma komandanın üzvləri ilə, eləcə də paravelosipedçilərlə görüşüb, onların problemləri ilə maraqlanıb, məşq proseslərini izləyib.

Nazir velosiped federasiyasında və Respublika Velotrekində yaradılmış şəraitlə də maraqlanıb. O, federasiyanın nəzdindəki muzeyə də baxıb. Azərbaycan Velosiped İdmanı Federasiyasının 1-ci vitse-prezidenti Sahib Ələkbərov nazirə federasiyanın fəaliyyəti, yerli və beynəlxalq səviyyəli yarışlara hazırlıq, gənc idmançılarla işin qurulması, çətinliklər, federasiyanın gələcək planları barədə məlumat verib. Qeyd olunan məsələlər ətrafında fikir mübadilələri aparılıb.

Görüşdə federasiyanın baş katibi Fərhad Əliyev, yığma komandanın baş məçqçisi Əbülfəz Məmmədov iştirak ediblər.

Oxşar xəbərlər

İsmayıllıda federasiyanın filialı açıldı - FOTO

Nazir Oxatma Federasiyasını ziyarət etdi - FOTO

Fərid Qayıbov Binə Atçılıq Mərkəzində - FOTO

Nazir məşq prosesini izlədi, stadionu gəzdi - FOTO

Yeni nazir Üzgüçülük Federasiyasının prezidenti ilə görüşdü - FOTO