Türkiyəli FİFA referisi Cüneyt Çakır Çempionlar Liqasının qrup mərhələsinin 2-ci turunda "Milan" - "Atletiko" matçındakı qərarlarına görə tənqid olunub. 

Sportfm.az xəbər verir ki, təcrübəli hakimin görüşün 90+7-ci dəqiqəsində "Milan"ın qapısına təyin etdiyi penalti italiyalı azarkeşlərin qəzəbinə səbəb olub. A seriyası təmsilçisinin futbolçusu Pyer Kalulu topa əllə toxunduğuna görə onun klubu cəzalandırılıb. "Atletiko"nun hücumçusu Luis Suares isə bundan yararlanaraq penaltini dəqiq yerinə yetirib. Nəticədə "Atletiko" 2:1 hesablı qələbə qazanıb. 

"Milan" azarkeşləri isə penalti epizoduna VAR vasitəsi ilə qərar verilmədiyi üçün Çakırı sərt tənqid ediblər. 

Oxşar xəbərlər

UEFA-dan Cüneyt Çakıra ağır cəza

Prezident penaltini ləğv etdirdi - Küveyt liqası

Penalti sayına görə yeni rekord - 24 oyunda 15 qol

42 ildə, 22 oyunda penaltini vura bilmirlər

Hakim etiraf etdi - Penalti qərarım səhv idi