Mehdi Hüseynzadə adına Sumqayıt şəhər stadionunun inşasına 1954-cü ildə qərar verilsə də, arenanın tikintisi müəyyən səbəblərə görə təxirə salınmışdı. Lakin 1963-cü ildə meydançanın tikintisinə başlanılmış və 1966-cı il iyulun 1-də istifadəyə verilmişdi.

Sportfm.az saytı xəbər verir ki, M. Hüseynzadə adına Sumqayıt şəhər stadionda ilk beynəlxalq oyun 1982-ci ildə Azərbaycanın yeniyetmələrindən ibarət komandası ilə İran millisi arasında olub. Arenadan "Polad", "Vosxod", "Xəzər", "Kimyaçı", "Sumqayıt", "Gənclərbirliyi", "Qarabağ" (Ağdam), "Xəzər Lənkəran" (Lənkəran) və "Standard" komandaları ev oyunları kimi istifadə ediblər. Burada bir çox futbolçu yetişib. 1985-ci ildə U-20 dünya çempionatının Çin - Paraqvay oyunu bu stadionda keçirilib. Azərbaycan futbolunun müstəqillik dönəmində "Turan" və "Fənərbaxça" arasında keçirilən ilk avrokubok matçı(UEFA Kubokunun cavab oyunu 0:2) məhz bu stadionda baş tutub. 

Saytımız sizləri stadionun hazırki vəziyyəti ilə tanış edir.