"Sumqayıt" bu gün UEFA Konfrans Liqasında mübarizəyə başlayacaq.

Sportfm.az xəbər verir ki, Ayxan Abbasovun baş məşqçi olduğu komanda Serbiyada "Çukariçki"nin qonağı olacaq.

Belqraddakı "Çukariçki" stadionunda keçiriləcək görüş Bakı vaxtı ilə saat 22:00-da başlanacaq. Qarşılaşmanı isveçrəli hakim Fedayi San idarə edəcək. Matç azarkeşlərin iştirakı ilə oynanılacaq.

Bu, Azərbaycan klublarının Konfrans Liqasındakı ilk oyunu kimi də tarixə düşəcək. Premyer Liqanın bürünc mükafatçısı tarixində ikinci dəfə avrokubok matçına çıxır. "Gənclik şəhəri" təmsilçisi ötən mövsüm Avropa Liqasının I təsnifat mərhələsində Şimali Makedoniyanın "Şkendiya" komandasına 0:2 hesabı ilə uduzub. Təsnifat mərhələsi koronavirus pandemiyası səbəbindən bir görüşdən ibarət olub.

21 iyul

UEFA Konfrans Liqası

22:00. "Çukariçki" (Serbiya) - "Sumqayıt" (Azərbaycan)

Baş hakim: Fedayi San (İsveçrə)

Belqrad. "Çukariçki" stadionu

Qeyd edək ki, komandalar arasındakı cavab oyunu bir həftə sonra Sumqayıtdakı "Kapital Bank Arena"da keçiriləcək.

Oxşar xəbərlər

"Keşlə" və "Sumqayıt"dan vaxtsız vəda - Konfrans Liqası

"Qarabağ", "Sumqayıt" və "Keşlə" cavab matçına çıxır - Konfrans Liqası

"Sumqayıt" "Çukariçki" ilə bərabərə qaldı - Konfrans Liqası

“Sumqayıt” Türkiyədən qayıtdı - Serbiyaya gedir

Komandalarımız üçün isveçrəli və albaniyalı hakimlər - Təyinat