Sərbəst güləş üzrə Rusiya yığmasının Tokio-2020 Yay Olimpiya Oyunları üçün heyəti açıqlanıb.

Sportfm.az xəbər verir ki, komandada Zaur Uquyev (57 kq), Hacımurad Rəşidov (65 kq), Zaurbek Sidakov (74 kq), Artur Nayfonov (86 kq), Abdulrəşid Sadulayev (97 kq) və Sergey Kozırev (125 kq) yer alıb.

Rəşidov Azərbaycan təmsilçilərindən 3 qat Avropa və 3 dünya çempionu Hacı Əliyevin, Sidakov Hacımurad Hacıyevin, Sadulayev isə olimpiya, dünya və Avropa çempionu Şərif Şərifovun ən əsas rəqiblərindən olacaq.

Sadulayev hazırkı olimpiya çempionu olmaqla yanaşı, 4 qat dünya və Avropa çempionudur. Rəşidov və Sidakov isə iki dəfə dünya çempionu adını qazanıb.

Qeyd edək ki, Tokio Yay Olimpiya Oyunlarının 23 iyul - 8 avqustda keçirilməsi planlaşdırılıb. Olimpiadada sərbəst güləş yarışları 4 - 7 avqustda gerçəkləşəcək.

Oxşar xəbərlər

İkiqat olimpiya çempionu Avropa çempionatına buraxılmadı

Olimpiya mükafatçıları çempionatda iştirak etməyəcək

Güləşçilərimiz lisenziya uğrunda mübarizə aparacaq - Tokio-2020

Güləşçilərimiz pul almaqda davam edəcək

Olimpiya çempionumuz dünyanın ən yaxşıları sırasında - FOTO