Azərbaycanın ağırlıqqaldıranı Boyanka Kostova Rusiyanın paytaxtı Moskvada keçirilən Avropa çempionatında körpücük üzərinə çıxıb.

Sportfm.az xəbər verir ki, 59 kq çəki dərəcəsində mübarizə aparan idmançı birdən qaldırmada 95 kq-la bürünc, təkanla qaldırma hərəkətində isə 116 kq-la qızıl medal qazanıb.

Ümumilikdə 211 kq (95 + 116) nəticə göstərən Kostova yekun sıralamada da Avropa çempionatının qızıl medalına yiyələnib.

Qeyd edək ki, yarışda Azərbaycanın daha iki təmsilçisi aprelin 10-da qüvvələrini sınayacaq. Əliş Nəzərov 102 kq çəkidə B, Dadaş Dadaşbəyli isə A qrupunda çıxış edəcək.

Xatırladaq ki, Boyanka Kostova 2012, 2015 və 2016-ci illərdəki Avropa çempionatlarının və 2015-ci ildəki dünya çempionatının da qalibidir.

Oxşar xəbərlər

Dünya çempionumuz yarışlardan kənarlaşdırıldı - Dopinqə görə

Daha bir qızıl - Avropa çempionatı

Ağırlıqqaldıranlarımız mübarizəyə başlayır - Avropa çempionatı

Türkiyəli idmançıdan Avropa rekordu - VİDEO

Dünya çempionumuz mübarizəyə başlayır - Avropa çempionatı