Şose velosipedi üzrə elit, U-23 və gənclərdən ibarət yığma komandalarımız Azərbaycan Gənclər və İdman Nazirliyinin dəstəyi ilə təlim-məşq toplanışında iştirak etmək üçün Türkiyənin Alanya bölgəsinə yola düşüb.

Sportfm.az xəbər verir ki, baş məşqçi Əbülfəz Məmmədovun rəhbərliyi altında fevralın 5-dək davam edəcək hazırlıq prosesində 10 idmançı iştirak edəcək.

Təlim-məşq toplanışının ardınca komanda üzvləri fevralın 6-dan 22-dək Alanya və Antalya bölgələrində təşkil ediləcək müxtəlif kateqoriyalı beynəlxalq yarışlarda iştirak edəcəklər. Ölkəmizin elit yığma komandasının üzvü, Tokio Yay Olimpiya Oyunlarında iştirak edəcək Elçin Əsədov da Türkiyənin “Salcano Sakarya” kontinental klubunun heyətində Alanyada hazırlıq prosesinə qatılıb.

Vahid idman təqvim planına əsasən, 2021-ci ildə yığma komanda üzvlərimiz Tokio Yay Olimpiya Oyunları, Türkiyənin Konya şəhərində keçiriləcək İslam Həmrəyliyi Oyunları, dünya və Avropa çempionatları, həmçinin Beynəlxalq Velosipedçilər İttifaqının (UCI) bayrağı altında keçiriləcək xeyli nüfuzlu beynəlxalq yarışlarda iştirak etməlidirlər.

Oxşar xəbərlər

Millimiz bu dəfə Almaniyada hazırlaşır

Rusiyalı velosipedçilər Bakıda - Təlim-məşq toplanışı

Millimizin üzvü Türkiyə klubunda - Müqavilə

"Synergy Baku”dan mövsümdə ilk qalibiyyət

Güləşçilərimiz hazırlıqlarını İstanbulda davam etdirir