Futbol üzrə UEFA Çempionlar Liqasının (ÇL) qrup mərhələsinin sonuncu – 6-cı turu çərçivəsində keçirilmiş “Başakşəhər”lə (Türkiyə) ev oyunu PSJ-nin hücumçusu Kilian Mbappe üçün əlamətdar olub.

Sportfm.az xəbər verir ki, 5:1 hesabıyla qalib gəldikləri oyunda dubla imza atan fransız futbolçu ÇL-də yeni rekord müəyyənləşdirib.

Belə ki, o, sözügedən turnirdə 20 qol vuran ən gənc futbolçu kimi tarixə düşüb. Hazırda 21 yaşı olan Mbappedən öncəki rekord “Barselona”nın hücumçusu Lionel Messiyə məxsus idi. Argentinalı futbolçu ÇL-də 20-ci qolunu vuranda (2010-cu ilin fevralında) 22 yaş 267 günlük idisə, Mbappe bu saya 21 yaş 355 günlüyündə çatıb.

Oxşar xəbərlər

Mbappe yeni rekorda imza atdı

Jiru rekorda doğru...

Mbappe Messiyə çatdı - qol rekordunu təkrarladı

Mbappe 100-ə çatdı - 137 oyunda

20 yaşlı futbolçudan daha bir rekord