"Yuventus"un futbolçusu Kriştianu Ronaldo Mütləq Döyüş Çempionatının (UFC) yüngül çəkidə rusiyalı kəmər sahibi Həbib Nurməhəmmədovu amerikalı Castin Qetji üzərində qələbə çalması münasibətilə təbrik edib.

Sportfm.az xəbər verir ki, bu barədə futbolçu özünün “Instagram“dakı səhifəsində yazıb.

"Təbrik edirəm, qardaş! Sənin atan səninlə fəxr edərdi", - deyə o yazıb.

Xatırladaq ki, təkbətək döyüş ikinci raundda Nurməhəmmədovun vaxtından əvvəl boğucu fəndlə qalib gəlməsi ilə qurtarıb.

H.Nurməhəmmədov bununla yüngül çəkidə UFC çempionu titulunu qoruyub.