- İlk məşqçim Telman Bəkirov olub. Futbolun sirlərini onun yanında öyrənmişəm. Telman müəllim hər bir uşağa xüsusi diqqət göstərirdi. Bizə hər şeyi xırdalığına qədər izah edirdi. Onun öyrətdiklərinin çox bəhrəsi oldu. 

- Ruslan, "Şəmkir”ə gəlişin necə alındı?

- Bildiyiniz kimi, "Ağsu” komandasının şərəfini qoruyurdum. Klubla müqaviləm bitdikdən sonra "Şəmkir”in sabiq kapitanı Orxan Məmmədov mənimlə əlaqə saxladı. Söhbət əsnasında Şəmkir klubuna keçməyi təklif etdi. Məndə razılaşdım. 

- Komandanız birinci dövrəni 3-cü sırada tamamladı. İkinci dövrədə "Şəmkir”dən nə gözləyək? 

- Biz bütün matçlarda gözəl oyun sərgiləməyə çalışırıq. İkinci dövrənin oyunları istisna olmayacaq. Bizi çətin və ağır oyunlar gözləyir. Hədəfimiz dəyişməz olaraq qalır - qızıl medalları qazanmaq. Təbii ki, çətin olacaq. Bütün çətinliklərə rəğmən, baş məşqçimizin dediklərinə dəqiqliklə əməl etsək, sonda 1-ci sıranı tutacağımıza əminəm. Biz bu yola inanaraq çıxmışıq. "Şəmkir”in yenidən Premyer Liqada çıxış etməsi üçün əlimizdən gələni edəcəyik. 

- Birinci Divizionda əsas rəqibləriniz hansı komandalardı? 

- Etiraf edim ki, hazırda 4-5 komandanın səviyyəsi eynidir. "Zaqatala”, "Turan Tovuz”, "Səbail”, "Qaradağ Lökbatan”, "Mil-Muğan” güclü kollektivlərdi. Sizi inandırım ki, digər klublarda zəif deyil, sadəcə adını çəkdiyim komandalar daha yaxşı komplektləşib. 

- AFFA-nın danışılmış oyunlarla bağlı məlum qərarından xəbərin var. Verilən cəzalar haqqında nə düşünürsən?

- Əlbəttə, bu qərarı eşidəndə şok oldum. Mən olanları ağlıma belə gətirmirəm. Samir Musayev ("Şərurspor” komandasının futbolçusu) və Elvin Əlizadə("Energetik” klubunun üzvü) heç vaxt oyun alqı-satqısına getməzlər. Buna yüz faiz əminəm. O uşaqlar qətiyyən elə işlərə qol qoya bilməz. Düşünürəm ki, araşdırmalardan sonra ədalət yerini tapacaq.