"Ayax"ın ev oyunlarını keçirdiyi "Amsterdam Arena" Yohan Kruyffun adını daşıyacaq.

Sportfm.az goal.az-a istinadən xəbər verir ki, stadion rəhbərliyi bu barədə Kruyff ailəsi ilə razılığa gəlmək üzrədir. Amma əfsanəvi "uçan holland"ın yaxınları gələcəkdə bu arenanın sponsor şərəfinə adlandırılmasını istəmir. "Amsterdam Arena"nın rəhbərləri isə investor müqavilələrindən əldə olunacaq gəliri itirmək istəmir.

Kruyff martın 24-də vəfat etmişdi. O, bir neçə ay ağciyər xərçəngindən əziyyət çəkmişdi.