Bu gün AFFA İntizam Komitəsinin növbəti iclası keçirilib.

Sportfm.az xəbər verir ki, iclasda Azərbaycan Premyer Liqasının 2-ci turu ilə bağlı qərarlar verilib.

“Keşlə” – “Qarabağ” oyununda “Qarabağ” klubu AFFA nümayəndəsinin əsasnaməyə uyğun verdiyi göstərişləri (texniki zonada 1 boş oturacaq və ya bunun qədər məsafə qaydasına riayət etmək) yerinə yetirmədiyi üçün klub 800 manat cərimə olunur.

“Qarabağ” klubu stadiona təyin olunan vaxtdan gec gəldiyi üçün klub 800 manat cərimə olunur.

“Neftçi” – “Sumqayıt” oyununda “Neftçi” klubunun 5 nömrəli futbolçusu Anton Krivotsyuk qeyri-idman hərəkətinə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur.

“Səbail” – “Zirə” oyununda “Zirə” klubunun 4 futbolçusu sarı vərəqə ilə cəzalandırıldığı üçün klub 800 manat cərimə olunur.

“Sabah” – “Qəbələ” oyununda “Sabah” klubunun 14 nömrəli futbolçusu Slavik Alxasov qeyri-idman hərəkətinə görə ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 200 manat cərimə olunur.
“Qəbələ” klubunun 5 futbolçusu sarı vərəqə ilə cəzalandırıldığı üçün klub 800 manat cərimə olunur.

Oxşar xəbərlər

"Neftçi" azarkeşlərinə görə cərimələndi - İntizam Komitəsinin qərarları

I Divizion klublarının cəzaları açıqlandı - 80 manat

İntizam Komitəsinin qərarları açıqlandı - AFFA

Premyer Liqamızda klublar cərimələndi - AFFA

“Sumqayıt” 1200 manat cərimələndi