UEFA Çempionlar Liqası və Avropa Liqasının 1/8 final mərhələsinin keçirilməyən oyunları ilə bağlı qərar verib.

Sportfm.az xəbər verir ki, Çempionlar Liqasının cavab matçlarında meydan sahibləri evdə rəqiblərini qəbul edəcək. ÇL-də baş tutacaq 4 oyun azarkeşsiz keçiriləcək. 

Avropa Liqasının 1/8 finalının təxirə salınan "İnter" - "Xetafe" və "Sevilya" - "Roma" cütünün qalibi bir oyundan sonra müəyyənləşəcək. Hər iki görüşün Almaniyada keçirilməsinə qərar verilib. Bu komandaların ilk oyunu keçirilməmişdi. 

Çempionlar Liqasının 1/4 final oyunları "8-lər finalı" formatında Portuqaliyada keçiriləcək. Avropa Liqasının qarşılaşmaları isə Almaniyada baş tutacaq.