Azərbaycan millisinin sabiq futbolçusu Amit Quluzadənin yeni klubu müəyyənləşib.

Sportfm.az xəbər verir ki, 28 yaşlı yarımmüdafiəçi karyerasını Moldovada davam etdirəcək. Bu haqda o özünün facebook səhifəsində məlumat verib. 

Amit “Milsami” klubu ilə anlaşıb. Tərəflər arasında 1 illik müqavilə imzalanıb.

Qeyd edək ki, “Neftçi”nin yetirməsi olan Amit ölkəmizdə “Rəvan”, “Sumqayıt”, “Qəbələ”, “Səbail”də oynayıb. O, ölkə xaricində “Ərciyəsspor” (Türkiyə), “Atletiko” (Portuqaliya), AEL (Yunanıstan), “Drita” (Kosovo), “Çelik” (Bosniya və Herseqovina) klublarında çıxış edib.