Bu gün İngiltərə Premyer Liqasında XIII tura start veriləcək. Sportfm.az saytının məlumatına görə, ilk oyun günündə 6 qarşılaşma baş tutacaq. Günün ilk matçında "Mançester Siti” "Bernli” səfərinə yollanacaq. Son çempion "Lester” doğma meydanda "Sanderlend”lə oynayacaq. Turun mərkəzi görüşü isə London derbisi olacaq. Lider "Çelsi” "Tottenhem”lə qarşılaşacaq. "Arsenal” və "Mançester Yunayted”in oyunları bazar gününə təyin olunub. Londonlular "Bornmut”u, "qırmızı şeytanlar” isə "Vest Hem”i qəbul edəcəklər.