Şahmatın rapid növü üzrə onlayn Avropa çempionatının C qrupunda Azərbaycan təmsilçisi Elnur Mehtiyev uğurla çıxış edərək qalib adını qazanıb.

Sportfm.az xəbər verir ki, C qrupunun finalında 8 turdan 7 xal toplayan Mehtiyev birinci yeri tutub. Onunla eyni xalı toplayan iki şahmatçı – polşalı Marek Pniaczek və rumıniyalı Sebastian-Ionut Pavel əlavə göstəricilərə görə sonrakı iki pillələrdə qərarlaşıblar.

Qeyd edək ki, bu qrupda Azərbaycanı 14 şahmatçı təmsil edib. Ümumilikdə isə Avropa ölkələrindən 800-dək şahmatçı C qrupunda (reytinqi 2000-ə qədər olan şahmatçılar) iştirak edib.

Xatırladaq ki, çempionatın A qrupunda mübarizə aparan şahmatçımız Gülsənəm Ağayeva qızların yarışında qızıl medala sahib olub. Ümumi nəticəyə görə isə ikinci olub.

Qitə çempionatının B qrupunda şahmatçılarımız mükafatçılar sırasına düşə bilməyiblər.

Oxşar xəbərlər

Gənc şahmatçılarımızdan böyük uğur - Avropa çempionu oldular

30 şahmatçımız ən güclü qrupda - Avropa Çempionatında

Avropa çempionatında Azərbaycan 100 nəfərlə təmsil olunacaq

Şahmatçımız İspaniyada ikinci oldu

Murad İbrahimli dünya çempionu oldu