İtaliyada koronavirus pandemiyasına görə dayandırılan 2019/20 mövsümünün başa çatacağı, eləcə də növbəti mövsümün başlama tarixləri açıqlanıb.

Sportfm.az xəbər verir ki, bu barədə İtaliya Futbol Federasiyası (FIGC) məlumat yayıb.

Xəbərdə bildirilir ki, çempionatların taleyi barədə qərar FIGC-in Federal Şurasının telekonfrans formatında keçirilən iclasında verilib. Həmin qərara əsasən, A, B və C Seriyaları avqustun 20-dək yekunlaşmalı, növbəti mövsüm isə sentyabrın 1-də başlamalıdır. Çempionatların bərpasınadək Federal Şura qeyri-münasib epidemioloji situasiya şəraitində yarışların keçirilmə formatının dəyişdirilməsinin mümkünlüyünü də diqqətə çatdırıb. Hətta çempionatların vaxtından öncə yekunlaşdırılması da istisna edilmir.

Əvəzində səviyyəcə C Seriyasından aşağı olan bütün liqalar, həmçinin həvəskarlar arasındakı çempionatların ləğv olunduğu elan edilib.

Əsas çempionatlarda 2019/20 mövsümü avqustun 20-nə qədər yekunlaşsa, həmin ayın 31-nə qədər də İtaliya kubokunda mövsümün başa çatdırılması nəzərdə tutulur.

Oxşar xəbərlər

Dünya çempionatları ləğv edildi - FİFA

İtaliya A Seriyasının başlama vaxtı bilindi

Daha iki çempionat vaxtındən əvvəl bitdi

Klublarla razılığa gəlindi

Ölkə çempionatına iyunun 10-da start veriləcək - Qərar