Portuqaliya kubokunda 1/16 final mərhələsinin oyunları keçirilib. Sportfm.az xəbər verir ki, milli komandamızın üzvləri Kamran Ağayev və Emin Mahmudovun çıxış etdiyi "Boavişta” nın bu mərhələdə rəqibi "Vitoriya Guimaraeş” olub. Kamran Ağayev meydana start heyətində çıxıb. Emin Mahmudov isə görüşü ehtiyat oyuçular skamyasından izləyib. Əsas vaxtı 1:1 bitən matçın 90+1-ci dəqiqəsində "Boavişta” azlıqda qalıb. 

Cütün taleyini həll etmək üçün əlavə vaxt təyin olunub. 118-ci dəqiqədə "Vitoriya Guimaraeş” cərimə zərbəsindən qələbə qolunu vurub. 

Qeyd edək ki, rəqibin vurduğu qolda Kamran Ağayev ciddi səhvə yol verib. Bununlada "Boavişta” Portuqaliya kubokunda mübarizəni dayandırıb.