Portuqaliya çempionatında X turun oyunları davam edir. Sportfm.az xəbər verir ki, sözügedən turda millimizin üzvləri Kamran Ağayev və Emin Mahmudovun formasını geyindiyi "Boavişta” klubu da növbəti oyununu keçirib. Portu təmsilçisi səfərdə "Rio Ave” klubunun qonağı olub. Qarşılaşma "Boavişta"nın 2:1 hesablı qələbəsi ilə başa çatıb. 

Kamran Ağayev 90 dəqiqə meydanda mübarizə aparıb və 90+3-cü dəqiqədə sarı vərəqə ilə cəzalanıb. Mahmudovun adı isə matçın iştirak ərizəsinə daxil edilməyib. 

Qeyd edək ki, "Boavişta” bu qələbədən sonra xallarının sayını 13-ə çatdırıb və turnir cədvəlində 7-ci pillədə qərarlaşıb.