Koronavirus pandemiyasının İspaniyada geniş yayılmasına və yaratdığı maliyyə çətinliyinə baxmayaraq, "Real" "Santyaqo Bernabeu"da yenidənqurma işlərini davam etdirəcək.

Sportfm.az xəbər verir ki, Madrid klubu bunun üçün paytaxt bələdiyyəsindən rəsmi icazə alıb.
Klubun yenidənqurma işlərinə 570 milyon avro ayırdığı bildirilir. Yenidənqurmadan sonra stadionda 360 dərəcə dönən videoekran olacağı və arenaya açılıb-bağlana bilən dam örtüyü quraşdırılacağı da qeyd olunub. Azarkeş tutumu isə 80 min 242 olacaq. Stadionun 2022-ci ilin oktyabr ayında tam hazır olması gözlənilir.
Qeyd edək ki, sonuncu dəfə 2001-ci ildə yenidənqurma aparılan "Santyaqo Bernabeu" hazırda 81 min 44 azarkeş tutumuna malikdir.
"Real" rəsmi Tvitter səhifəsində "Santyaqo Bernabeu"nun yeni proyektinin şəklini paylaşıb.

Oxşar xəbərlər

"Real" ev oyunlarını 2-ci komandanın stadionunda keçirəcək

"Real" "Santyaqo Bernabeu"dan imtina etdi - Təmirə bağlandı

Dünyanın ən titullu klubu başqa stadiona köçür

9 il sonra belə vəziyyətlə üzləşdilər

"Real"dan "Santyaqo Bernabeu"ya 400 milyon avro