"Çelsi"nin futbolçusu Villian mövsümün sonunda komandadan ayrıla biləcəyini deyib.

Sportfm.az xəbər verir ki, braziliyalı vinger "Fox Sports"a açıqlamasında mövsümün sonunda başa çatacaq müqaviləsini uzatmaq barədə düşünmədiyini bildirib: 

"Çelsi"də möhtəşəm işlər gördüm. Azarkeşlərin dəstəyi sayəsində özümü hər zaman özəl hiss etmişəm. Müqaviləmin mövsümün sonunda bitəcəyini hər kəs bilir. Sazişimi uzatmağın çətin olacağını söyləyə bilərəm". 

31 yaşlı futbolçu "Çelsi"də 2 illik müqavilə təklifi aldığını söyləyib: 

"Nələr olacağını bilmirik. Anidən klubla anlaşa bilərəm. Ancaq müqaviləm bitəcəyi üçün başqa klublarla danışıq aparacağam. DÇ-2018-dən sonra "Barselona"dan təklif almışdım, amma "Çelsi" məni göndərmək istəmədi. Avropada daha bir neçə il oynamaq gücüm var". 

Braziliya millisinin üzvü 2013-cü ildən "Çelsi"də çıxış edir. "Korintians"ın yetirməsi daha öncə "Şaxtyor" (Donetsk) və "Anji"də oynayıb.

Oxşar xəbərlər

Abramoviç "Çelsi”ni satmaq istəyir - 2 milyarda

Fransalı hücumçu daha bir klubun hədəfində

"Çelsi"nin futbolçusu Çinə getmək istəmədi

"Çelsi" "Barselona"nın təklifini rədd etdi

Braziliya yığmasının üzvü qərarını verdi