İngiltərənin "Tottenhem" klubu koronavirus pandemiyasına görə 550 işçinin aprel və may aylarının məvaciblərini 20 faiz aşağı salıb.

Sportfm.az xəbər verir ki, bu barədə klubun prezidenti Deniel Levi məlumat verib: "Klub daxilində 550 işçinin növbəti 2 ay məvacibləri 20 faiz azaldıldı. 550 nəfərdən birini işdən çıxarmaq ağır qərar olardı, buna görə belə addım atdıq". 

Futbolçuların maaşları isə azaldılmayıb. 

Daha öncə İngiltərədə "Nyukasl" klubu işçilərinin maaşlarını azaltmışdı.