Azərbaycan cüdoçusu Orxan Səfərov Almaniyanın Düsseldorf şəhərində keçirilən "Böyük Dəbilqə" turnirində 1/4 finala yüksəlib.

Sportfm.az xəbər verir ki, 66 kq çəki dərəcəsində mübarizə aparan idmançı ilk olaraq Denis Vierunu (Moldova) məğlub edib. Səfərov daha sonra İndrit Cullhaj (Albaniya), ardınca isə Mukriddin Tılovovdan (Qazaxıstan) güclü olub

Eyni çəkidəki Nicat Şıxəlizadə mərakeşli İmad Bassou və monteneqrolu Yusuf Nurkoviçlə dueldən qalib ayrılıb. Cüdoçu yaponiyalı rəqibi Hifumi Abeni məğlub edə bilməyib.

60 kq-dakı Kəramət Hüseynov və Oruc Vəlizadə mübarizəni erkən dayandırıblar. Hüseynovun 1/32 finaldakı rəqibi Pedro Nayr Qarsiya (Anqola) görüşdən imtina edib. İdmançı ardınca Cənubi Koreya təmsilçisi Kim Von Jinə uduzub. Vəlizadə isə ilk qarşılaşmada Dilmer Kalleni (Peru) üstələsə də, tunisli Fraj Dhoubi ilə bacarmayıb.

Qadınların yarışında Aişə Qurbanlı (48 kq) cənubi koreyalı Yeonju Ohun müqavimətini qıra bilməyib. Bu çəkidəki Leylа Əliyeva da yarışa qələbə ilə başlayıb. İlk görüşdə Luz Alvarezi (Kolumbiya) məyus edən cüdoçu daha sonra ikinci dueldə Katharina Menzə (Almaniya) uduzub.

Gültac Məmmədəliyeva (52 kq) da Cənubi Koreya təmsilçisinin qarşısında aciz qalıb. O, ilk görüşdə belçikalı Amber Ryhueli məğlub edib, daha sonra Bokyeong Jeonga ilə dueldə məğlub ayrılıb. 

57 kq-da Aleksandra-Larisa Florian Mariya Skora (Ukrayna) qalib gəldikdən sonra Theresa Stolla (Almaniya) məğlub olub. 

Qeyd edək ki, "Böyük Dəbilqə"yə fevralın 23-də yekun vurulacaq. Qarşıdakı günlərdə Azərbaycanın 8 kişi və 1 qadın cüdoçusu da qüvvəsini sınayacaq. 

Oxşar xəbərlər

Kəramət yarımfinalda - Böyük Dəbilqə

İlk yarış günündə 8 idmançı - "Böyük Dəbilqə" başlayır

Cüdoçularımız Qran-prinin ilk günündə medal qazana bilmədi

Azərbaycan cüdoçusu Böyük Dəbilqə turnirində finala yüksəldi - FOTO

"Böyük dəbilqə"də uğursuz çıxış