"Səbail" baxışda olan futbolçu Lema Mabidi Çikito ilə bağlı qərar qəbul edib.

Sportfm.az xəbər verir ki, "dənizçilər" Konqo Demokratik Respublikası yığmasının yarımmüdafiəçisi ilə rəsmi müqavilə imzalayıb. 26 yaşlı oyunçu mövsümün sonuna kimi paytaxt klubunun formasını geyinəcək.

Qeyd edək ki, son olaraq Mərakeşin "Raca Kasablanka" klubunda çıxış edən Çikito bu komandada 91 oyuna 7 qol vurub. Afrikalı futbolçu karyerası ərzində ölkəsində "AS Vita Klub" və Tunisdə "Sfaksien" klublarının formasını geyinib. 2011-ci ildən Konqo millisinə dəvət alan yarımmüdafiəçi yığmada 23 oyun keçirib.