Rusiyanın "Rostov” klubunun hücumçusu İngiltərəyə yollana bilər. Sportfm.az ada mətbuatına istinadən xəbər verir ki, "Liverpul”un iranlı gənc forvard Sərdar Azmunu almaq istəyi qışda reallaşa bilər. Uzun müddətdir bu futbolçuyu izləyən "Liverpul” rəsmiləri, Azmunun Çempionlar liqasındakı çıxışından razı qalıb. Tərəflər arasında baş tutacaq transferin məbləği hələ ki, açıqlanmır.  

Qeyd edək ki, Sərdar bu mövsüm Rusiya Premyer liqasında 11 oyuna bir dəfə fərqlənib. Çempionlar liqasında İran yığmasının üzvü 4 görüşdə bir qol və bir məhsuldar ötürmə ilə yadda qalıb.