“Yuventus”un futbolçusu Mario Mancukiç karyerasını Qətərdə davam etdirəcək.

Sportfm.az xəbər verir ki, 33 yaşlı hücumçu “Əl Duhail” klubuna keçib. Xorvatiyalı forvard yeni klubu ilə 1,5 illik müqaviləyə imza atıb.

Xorvatiya mətbuatının yazdığına görə, Mancukiç bu ilyarım ərzində 10,5 milyon avro qazanacaq.

Xorvatiya millisinin sabiq forvardı karyerası ərzində “Dinamo” (Zaqreb), “Volfsburq”, “Bavariya”, “Atletiko” (Madrid) klublarının şərəfini qoruyub. 2015-ci ildən “Yuventus”da forma geyinən Mancukiç bu mövsüm heç bir rəsmi oyunda iştirak etməyib. Hücumçunun Turin təmsilçisi ilə 2021-ci ilin yayına qədər müqaviləsi vardı.

Oxşar xəbərlər

Depay Madrid klubuna keçdi

Tanınmış futbolçu məşqçilik edəcək - Təyinat

“Fənərbaxça”da yeni transfer - Müqavilə

Xorvat ulduz İtaliyaya qayıdır

Mandzukiç Qətər klubundan getdi