2020-ci il Tokio Yay Olimpiya Oyunlarının Təşkilat Komitəsi gözlənilən istilər səbəbindən triatlon və at yarışlarının başlama vaxtını dəyişdirib.

Sportfm.az xəbər verir ki, triatlondakı qadın və kişilərin fərdi yarışları səhər yerli vaxtla 7:30-da deyil, 6:30-da (Bakı vaxtı ilə 1:30-da) başlayacaq. Kişilərin yarışı 27 iyulda, qadınların mübarizəsi isə 28 iyulda olacaq. Qarışıq estafet isə avqustun 1-də təşkil olunacaq.

Təşkilat Komitəsi atçılıq növü üzrə yarışların vaxtının 8:30-dan 7:30-a və ya 8:00-a keçirilməsini də təsdiqləyib.

Triatlon və atçılıq yarışlarının başlama vaxtı ilə bağlı dəyişikliklər Beynəlxalq Olimpiya Komitəsi (BOK) və müvafiq federasiyalarla müzakirə edilib. Onların tətbiqi dekabrın 3-dən 5-dək Lozanna şəhərində keçirilən IOC İcraiyyə Komitəsinin iclasında təsdiqlənib.

Qeyd edək ki, Tokio-2020 Yay Olimpiya Oyunları 24 iyul – 9 avqustda keçiriləcək. 

Oxşar xəbərlər

İdmançıların 80 faizi peyvəndlənəcək - Tokio-2020

Olimpiadada futbol yarışlarının vaxtı məlum oldu

Tokio olimpiadasının proqramı təsdiqləndi

İslam Həmrəyliyi Oyunlarının vaxtı dəyişdirildi

Olimpiadanın yol xəritəsinin təqdim olunma tarixi açıqlandı