Bu gün Topaz Premyer Liqasında IX turun daha bir oyunu keçirilib. Sportfm.az saytının məlumatına görə, ikinci oyun gününün tək qarşılaşması Şüvəlanda baş tutub. 

AZAL doğma meydanda "Zirə” ilə qarşılaşıb. Ötən mövsümün gümüş mükafatçısı bu oyunda qalib gəlib, turnir cədvəlində irəliləməyə çalışsa da, bunu bacarmayıb. 

Belə ki, Adil Şükürovun yetirmələri matçın ilk yarısında hesabı açıb. Meydan sahiblərini Sezar Meza Kolli məyus edib. Paraqvaylı penaltini dəqiq yerinə yetirib. 

Lakin "təyyarəçilər” fasilədən sonra məğlubiyyətdən xilas ola bilib – 1:1. AZAL-ın bərabərlik qoluna David Canelidze imza atıb. Bu bərabərlik turnir cədvəlində dəyişikliyin olmaması ilə nəticələnib. "Zirə” "Kəpəz”i 4-cü pillədən sıxışdıra bilməyib.

Qeyd edək ki, dünən keçirilən "Kəpəz” – "İnter” matçı (0:0) ilə start götürən tura sabahkı iki matçla yekun vurulacaq.

 

 

Qollar: David Canelidze, 66 - Sezar Meza Kolli, 25-pen.

Hakimlər: Rauf Cabbarov, Coşqun Həsənov, İsgəndər Əliyev, Nahid Əliyev

Əlavə köməkçi hakimlər: Əliyar Ağayev, Rəhim Həsənov

AFFA nümayəndəsi: Elbrus Abbasov

Hakim-inspektor: Xaqani Məmmədov

"AZAL Arena”

I dövrədəki oyun: 1:3

 

AZAL: 23. Aqil Məmmədov, 3. Tural Hümbətov, 5. Kamil Hüseynov, 24. Emin Cəfərquliyev (k), 18. Ruslan Əmircanov, 7. Kamal Mirzəyev, 55. Qeyrət Əliyev, 10. Nuqzar Kvirtiya, 11.Ruslan Nəsirli, 77. Adan Koronado, 9. Röyal Nəcəfov

Ehtiyat oyunçular: 1. Rəşad Əzizli, 27. Eltun Hüseynov, 12. Mahsun Qənbərli, 4. Qvanzav Maqomedov, 21. David Canelidze, 17. Rəşad Abdullayev, 15. Brayn Fok

Baş məşqçi: Tərlan Əhmədov

 

"Zirə”: 1. Anar Nəzirov (k), 18. Tural Cəlilov, 5. Adil Nağıyev, 44. Migel Lorenso, 28. Təmkin Xəlilzadə, 11. Viktor İqbekoyi, 8. Milan Duriç, 7. Gerhard Proqni, 92. Cavid Tağıyev, 19. Nurlan Novruzov, 20. Sezar Meza Kolli

Ehtiyat oyunçular: 85. Kamal Bayramov, 13. Aleksandr Şemonayev, 10. Elvin Məmmədov, 77. Yamin Ağakərimzadə, 21. Murad Səttarlı, 17. Vüsal İsgəndərli, 38. İlkin Muradov

Baş məşqçi: Adil Şükürov