Bu gün Topaz Premyer Liqasında V tura yekun vurulub. Sportfm.az saytının məlumatına görə, son qarşılaşmalardan biri Qəbələdə, digəri Bakıda baş tutub. Günün ilk oyununda uzun müddət aradan sonra yenidən doğma meydanda azarkeşləri ilə görüşən "Qəbələ” AZAL-ı sınağa çəkib. Roman Qriqorçukun yetirmələri üçün autsayderlə oyun gözlənildiyi kimi asan keçib. "Qırmızı-qaralar” "Anderlext”lə çətin səfər matçından yorğun dönməsinə baxmayaraq, aşkar favorit olduqları matçdan 3 cavabsız qolla qalib ayrılıblar. Bu mövsüm ilk dəfə yerli azarkeşlər qarşısında çıxış edən komandanın heyətində Ozobiç, Ruslan Qurbanov və Roman Hüseynov fərqləniblər.

 

Turun son matçında isə "Qarabağ” "Zirə” ilə qarşılaşıb. Stadion problemini həll edə bilməyən ağdamlılar bu dəfə də Masazırda meydana çıxıblar. Ötən tur olduğu kimi, bu görüşdə də "Əlincə Arena”ya sığınan nominal meydan sahibləri keçən mövsümdən Premyer Liqada çıxış edən "Zirə”ni 2 cavabsız qola "qonaq ediblər". Debüt ilində baş tutmuş 4 oyunun heç birində "Qarabağ”a qalib gələ bilməyən Adil Şükürovun yetirmələri seriyanı 5 oyuna çıxarıblar. 

 

Topaz Premyer Liqası

V tur

19 sentyabr (bazar ertəsi)

 

Qollar: Rahid Əmirquliyev, 21, 40

 

Hakimlər: Rauf Cabbarov, Mübariz Haşımov, Knyaz Əmiraslanov, Zeynal Zeynalov

Əlavə köməkçi hakimlər: Rəhim Həsənov, Ömər Paşayev

AFFA nümayəndəsi: Rauf Əmirov

Hakim-inspektor: Rövşən Əhmədov

"Əlincə Arena”

 

"Qarabağ": 1. Boyan Şaranov, 2. Qara Qarayev, 10. Muarem Muarem, 11. Mahir Mədətov, 15. Rahid Əmirquliyev, 20. Riçard Almeyda 21. Arif Daşdəmirov, 22.Əfran İsmayılov, 25. Ansi Aqolli (k), 32. Elvin Yunuszadə, 91. Coşqun Diniyev

Ehtiyat oyunçular: 13. İbrahim Şehiç, 5.Maksim Medvedev, 6.Dino Ndlovu, 8. Miçel, 17. Namik Ələsgərov, 18. İlqar Qurbanov, 99. Dani Kintana

Baş məşqçi: Qurban Qurbanov

 

"Zirə”: 1. Anar Nəzirov, 19. Nurlan Novruzov, 5. Adil Nağıyev, 23. Yovan Krneta, 44. Migel Lorenso, 28. Təmkin Xəlilzadə, 6. Vüqar Mustafayev, 8. Milan Duriç, 10. Elvin Məmmədov (k), 7. Gerhard Proqni, 21. Murad Səttarlı

Ehtiyat oyunçular: 85. Kamal Bayramov, 13. Aleksandr Şemonayev, 77. Yamin Ağakərimzadə, 96. Elgün Nəbiyev, 17. Vüsal İsgəndərli, 18. Tural Cəlilov, 99. Yasin Həmid

Baş məşqçi: Adil Şükürov

 

Qollar: Filip Ozobiç, 31, Ruslan Qurbanov, 56, Roman Hüseynov, 65

Hakimlər: İnqilab Məmmədov, Vüqar Bayramov, Vüsal Qənbərov, Rza Məmmədov

Əlavə köməkçi hakimlər: Əliyar Ağayev, Orxan Məmmədov

AFFA nümayəndəsi: Ramiz Abdullayev

Hakim-inspektor: Əhmədağa Cabbarov

Qəbələ şəhər stadionu

 

"Qəbələ”: 22. Dmitri Bezotosnı, 3. Voislav Stankoviç, 8. Qismət Alıyev, 9. Sergey Zenyov, 10. Ruslan Qurbanov, 11. Asif Məmmədov, 15. Vitali Vernidub, 17. Məhəmməd Mirzəbəyov, 19. Filip Ozobiç, 27. Teo Uiks, 34. Urfan Abbasov

Ehtiyat oyunçular: 33. David Pietrzikeviç, 6. Rəşad Sadiqov, 13. Murad Musayev, 18. Baqali Dabo, 21. Roman Hüseynov, 30. Petar Franyiç, 88. Tellur Mütəllimov

Baş məşqçi: Roman Qriqorçuk

 

AZAL: 1. Rəşad Əzizli, 2. Elşad Manafov, 3. Tural Hümbətov, 4. Qvanzav Maqomedov, 7. Kamal Mirzəyev, 11. Ruslan Nəsirli, 14. İlqar Ələkbərov, 9. Röyal Nəcəfov, 18. Ruslan Əmircanov, 24. Emin Cəfərquliyev (k), 77. Adan Koronado

Ehtiyat oyunçular: 90. Hossein Kamelqolamitussi, 95. Şirməmməd Məmmədov, 19. Elnur Süleymanov, 77. Mirzağa Hüseynpur, 15. Brayn Fok, 21. David Canelidze, 10. Nuqzar Kvirtiya

Baş məşqçi: Tərlan Əhmədov