Qadın voleybolçulardan ibarət Azərbaycan millisi növbəti yoxlama matçını keçirib. 

Sportfm.az xəbər verir ki, Sloveniyada Avropa çempionatına hazırlaşan komandamız yerli yığma ilə üz-üzə gəlib. 

Görüş Covanni Kapraranın yetirmələrinin qələbəsi ilə başa çatıb. Millimiz rəqibini 3:0 (25:22, 25:19, 25:20) hesabı ilə məğlub edib. 

Daha bir sınaq matçı keçirməyi planlaşdıran voleybolçularımız avqustun 21-də Avropa çempionatı üçün Macarıstanın paytaxtı Budapeştə yollanacaqlar. 

Qeyd edək ki, italiyalı Covanni Kapraranın baş məşqçisi olduğu Azərbaycan millisi avqustun 23-də başlayacaq Avropa çempionatında C qrupunda yer alıb. Voleybolçularımız Macarıstan, Xorvatiya, Hollandiya, Estoniya və Rumıniya ilə üz-üzə gələcəklər.

Oxşar xəbərlər

Millimiz Macarıstanla üz-üzə - YENİLƏNİR

Hollandiya qarşısında tab gətirmədik

Millimiz Hollandiya yığması ilə qarşılaşacaq

Avropa çempionatına qələbə ilə başladıq

Azərbaycan millisi Macarıstana yollandı