Azərbaycanın sərbəst güləşçisi Cəbrayıl Hacıyev Bolqarıstanın paytaxtı Sofiyada keçirilən yeniyetmə güləşçilər arasında dünya çempionatında finala yüksəlib.

Sportfm.az xəbər verir ki, 65 kq çəki dərəcəsində mübarizə aparan idmançı ardıcıl olaraq Türkiyə, İran, Yaponiya və Gürcüstan təmsilçilərini məğlub edib. Hacıyev finalda rusiyalı Batırbek Tsxovrebovlə üz-üzə gələcək.

48 kq-da yarışan Cavid Cavadov 1/4 finalda məğlub olub və rəqibi finala çıxdığı üçün təsəlliverici görüşlərə qatılacaq. Bu gün mübarizəyə qoşulan Zirəddin Bayramov (55 kq), Fərid Cabbarov (80 kq) və Hamlet Nəsibli (110 kq) mübarizəni başa vurublar.

Qeyd edək ki, bu çəkilərdə medal qarşılaşmaları sabah keçiriləcək. Cəbrayıl Hacıyev Bakıda keçirilmiş Avropa Gənclər Yay Olimpiya Festivalının da (EYOF) qalibi olub. Güləşçi finalda məhz Rusiya təmsilçisi Batırbek Tsxovrebova qalib gəlib. 

Oxşar xəbərlər

Güləşçilərimiz finala yüksəldi - Avropa çempionatı

Güləşçilərimizin finalda rəqibləri açıqlandı - Xatirə turniri

Cəbrayıl güləş üzrə dünya çempionu oldu

İki güləşçimiz yarımfinalda

Qadın güləşçimiz Avropa çempionatında finala yüksəldi