İtaliyanın Neapol şəhərində keçirilən XXX Ümumdünya Yay Universiadasının ikinci günündə - iyulun 5-də Azərbaycanın iki cüdoçusu mübarizəyə qoşulub.

Sportfm.az xəbər verir ki, 73 kiloqram çəki dərəcəsində çıxış edən Hidayət Heydərov müxtəlif mərhələlərdə ardıcıllıqla Abdullah Hamad (Səudiyyə Ərəbistanı), Abdelrahman Mohamed (Misir), Luca Otmaneni (Fransa) məğlub edərək dörddəbir finala yüksəlib. Bu mərhələdə monteneqrolu Marko Qusiçi mübarizədən kənarlaşdıran idmançımız adını yarımfinala yazdırıb.

Digər təmsilçimiz Murad Fətiyev (81 kq) ilk görüşdə hollandiyalı Yim Heymana məğlub olub.

Yarışların birinci günündə millimizin üzvləri Aliumar Tumayev (90 kq) və Rüstəm Kotsoyev (+90 kq) uduzaraq mübarizəni dayandırıblar.

Oxşar xəbərlər

Balabəy Ağayev qızıl medal qazandı - Böyük Dəbilqə

Rüstəm "Böyük Dəbilqə"ni medalsız tərk etmədi

Hidayət Heydərov gümüş medal qazandı

Prezident İlham Əliyev Bakıda keçirilən cüdo üzrə dünya çempionatını izlədi - FOTO

Heydərov Avropa çempionatında yarımfinala yüksəldi